Հայաստանի Հանրապետության գլխավոր դատախազ Աննա Վարդապետյանն այսօր ընդունել է «Քեմբրիջի միջազգային դպրոց Հայաստան»-ի սաներին և ուսուցչական անձնակազմի ներկայացուցիչներին:

 

Հարցուպատասխանի ձևաչափով անցկացված զրույցի ընթացքում Աննա Վարդապետյանը պատասխանել է Դպրոցի սաներին հետաքրքրող հարցերին, որոնք վերաբերել են Հայաստանում հանցավորության վիճակին, կոռուպցիոն հանցագործությունների քննության որակին, անչափահասների գործերով արդարադատության իրականացման առանձնահատկություններին, ինչպես նաև Դատախազության լիազորությունների շրջանակում գտնվող այլ ոլորտներին:

 

Գլխավոր դատախազություն կատարած այցի շրջանակում Դպրոցի սաները շրջել են Դատախազության թանգարանում, ծանոթացել Դատախազության ստեղծման 106-ամյա պատմությանը: